khushi na milti jindagi mein
koi gam bhi jindagi mein shamil na hota
hansi labo par aa na paati
koi aansu in aankhon mein na rota
najare jhuki hi rehti hamesha
aankho mein intezaar na hota
tumhari mohobbat jo na milti jindagi mein
to is khudaai par hame aetbaar na hota...
darrte rehte har mod par ham,
tumhe thame rehne ka jo ehsaas na hota,
girte rehte har thokar par ham,
tumhare sambhaalne par jo vishwaas na hota,
manjilo ko tay na kar paate ham,
jo in raahon par tumhara sath na hota.
kati patang si udi ja rahi thi khule aasman mein,
kya hota jo tumne ye hath thama na hota,
hasraton ko hamari anjaam mil hi na pata,
jo tumne apne khwabon ko mere sath joda na hota,
sach kahun to ye jindagi jindagi na hoti,
jo tumhare sath hamara naata bandha na hota.....
No comments:
Post a Comment